ಮೌಲ್ವಿಗಳು ಮಸೀದಿಗಳ ಮಾಲೀಕರಲ್ಲ ಅಲ್ಲಾ ಮಾತ್ರ ಅದರ ಮಾಲೀಕ : ಒವೈಸಿ

ಹೈದರಾಬಾದ್‌: ಮೌಲ್ವಿಗಳು ಹೇಳಿದ ತಕ್ಷಣ, ಮಸೀದಿಗಳನ್ನು ಯಾರೂ ಕೂಡ ಸುಲಭವಾಗಿ ಹಸ್ತಾಂತರಿಸುವಂತಿಲ್ಲ. ಏಕೆಂದರೆ ಪ್ರಾರ್ಥನಾ ಕೇಂದ್ರಗಳು ಅಲ್ಲಾನ ಒಡೆತನದಲ್ಲಿರುತ್ತದೆ’ ಎಂದು  ಆಲ್‌ ಇಂಡಿಯಾ ಮಜ್ಲಿಸ್ ಇ–ಇತೆ­ಹಾದುಲ್‌ ಮುಸ್ಲಿಮೀನ್‌ ಮುಖ್ಯಸ್ಥ ಹಾಗೂ ಹೈದರಾಬಾದ್‌ ಸಂಸದ ­ಅಸಾ­ದುದ್ದೀನ್ ಒವೈಸಿ ಹೇಳಿದ್ದಾರೆ.

ಅಯೋಧ್ಯೆಯ ವಿವಾದಿತ ಸ್ಥಳದಿಂದ ದೂರದಲ್ಲಿ ಮುಸಲ್ಮಾನರು ಪ್ರಾಬಲ್ಯವಿರುವ ಜಾಗದಲ್ಲಿ ಮಸೀದಿ ನಿರ್ಮಿಸಬಹುದು ಎಂದು ಶಿಯಾ ವಕ್ಫ್‌ ಬೋರ್ಡ್‌ ಸುಪ್ರೀಂಕೋರ್ಟ್‌ಗೆ ತಿಳಿಸಿರುವ ಹಿನ್ನೆಲೆಯಲ್ಲಿ ಒವೈಸಿ ಈ ಹೇಳಿಕೆ ನೀಡಿದ್ದಾರೆ.

ಶಿಯಾ, ಸುನ್ನಿ, ಬರೆಲ್ವಿ, ಸೂಫಿ, ದಿಯೋಬಂದಿ, ಸಲಾಫಿ, ಬೋಹ್ರಿಯವರು ಮಸೀದಿಗಳನ್ನು ನಿರ್ವಹಿಸುತ್ತಿದ್ದಾರೆ. ಅವರೂ ಯಾರೂ ಅದರ ಮಾಲೀಕರಲ್ಲ. ಅಲ್ಲಾ ಮಾತ್ರ ಅದರ ಮಾಲೀಕ. ಅಖಿಲ ಭಾರತ ಮುಸ್ಲಿಂ ವೈಯಕ್ತಿಕ ಕಾನೂನು ಮಂಡಳಿಯೂ (ಎಐಎಂಪಿಎಲ್‌ಬಿ) ಮಸೀದಿಗಳನ್ನು ಯಾರಿಗೂ ನೀಡುವಂತಿಲ್ಲ ಎಂದರು.