ಶೋಕಿ ರಾಜ ವಿಜಯ್ ಮಲ್ಯ ಲಂಡನ್ನಲ್ಲಿ ಬಂಧನ
ನವದೆಹಲಿ : ಮದ್ಯದ ದೊರೆ ವಿಜಯ್ ಮಲ್ಯ ಅವರನ್ನು ಲಂಡನ್ನಲ್ಲಿ ಸ್ಕಾಟ್ಲೆಂಡ್ಯಾರ್ಡ್ ಪೊಲೀಸರು ಬಂಧಿಸಿದ್ದಾರೆ. ಯುನೈಟೆಡ್ ಕಿಂಗ್ಡಂನಿಂದ ಅವರನ್ನು ಗಡೀಪಾರು ಮಾಡುವ ಪ್ರಕ್ರಿಯೆಯ ಮೊದಲ ಹೆಜ್ಜೆಯಾಗಿ ಅವರನ್ನು ಬಂಧಿಸಲಾಗಿದೆ.
ಮಲ್ಯ ಅವರನ್ನು ವೆಸ್ಟ್ಮಿನಿಸ್ಟರ್ ಕೋರ್ಟಿಗೆ ಹಾಜರುಪಡಿಸಲಾಗುವುದು ಎಂದು ಮೂಲಗಳು ತಿಳಿಸಿವೆ.
ಮಲ್ಯ ಒಡೆತನದ ಕಿಂಗ್ಫಿಷರ್ ಏರ್ಲೈನ್ಸ್ ಭಾರತದ ಬ್ಯಾಂಕ್ಗಳಿಗೆ 9,000 ಕೋಟಿ ರೂ.ಗಳ ಸಾಲವನ್ನು ಬಾಕಿ ಉಳಿಸಿಕೊಂಡು ದಿವಾಳಿಯಾಗಿತ್ತು. ಸುಸ್ತಿದಾರರಾದ ಮಲ್ಯ 2016ರ ಮಾರ್ಚ್ನಲ್ಲಿ ದೇಶಬಿಟ್ಟು ಬ್ರಿಟನ್ಗೆ ಪಲಾಯನ ಮಾಡಿದ್ದರು.
ಅವರನ್ನು ಗಡೀಪಾರು ಮಾಡುವಂತೆ ಭಾರತ ಸಲ್ಲಿಸಿದ ಮನವಿಯನ್ನು ಬ್ರಿಟಿಷ್ ಸರಕಾರ ಅಂಗೀಕರಿಸಿದ್ದು, ಅದರಂತೆ ಮಲ್ಯ ಬಂಧನ ನಡೆದಿದೆ.
loading...
No comments