ದೇಸಿ ಪಂಚ್ ಗೆ ನೆಲಕ್ಕೆ ಬಿದ್ದ ಚೀನೀ ಬಾಕ್ಸರ್ ಮತ್ತೆ ರಿಂಗ್ ನಾ ಕಿಂಗ್ ಆದಾ ವಿಜೇಂದರ್ ಸಿಂಗ್

ಮುಂಬಯಿ: ಭಾರತದ ಸ್ಟಾರ್‌ ವೃತ್ತಿಪರ ಬಾಕ್ಸರ್‌ ವಿಜೇಂದರ್‌ ಸಿಂಗ್‌ ತಮ್ಮ ಏಷ್ಯಾ ಕಿಂಗ್‌ ಎನಿಸಿಕೊಂಡು, ವಿಜೇಂದರ್‌ ಹೊಡೆತಕ್ಕೆ ಚೀನಾದ ಜುಲ್ಫಿಕರ್‌ ಮೈಮೈತೈಲಿ ಪರಾಭವಗೊಂಡಿದ್ದಾರೆ.

ಗಡಿ ರೇಖೆಯಲ್ಲಿ ಭಾರತ ಮತ್ತು ಚೀನಾ ನಡುವಿನ ಸಂಬಂಧ ಹದಗೆಟ್ಟಿರುವುದರಿಂದ ಇಂಡೊ-ಚೀನಾ ಸ್ಪರ್ಧಿಗಳ ಈ ಪಂದ್ಯ ಅಂತಿಮ ಘಟ್ಟದವರೆಗೂ ಕುತೂಹಲ ಕೆರಳಿಸಿತ್ತು.

ಏಟಿಗೆ ಎದಿರೇಟು ಎಂಬಂತೆ ಕೊನೇ ಹತ್ತು ಸುತ್ತುಗಳವರೆಗೆ ನಡೆದ ರೋಚಕ ಬಾಕ್ಸಿಂಗ್‌ ಫೈಟ್‌ನಲ್ಲಿ ವಿಜೇಂದರ್‌ ಸಿಂಗ್‌ ಏಷ್ಯನ್‌ ಕಿಂಗ್‌ ಅಂತಿಮವಾಗಿ ಹೊರಹೊಮ್ಮಿ ಡಬ್ಬಲ್‌ ಬೆಲ್ಟ್‌ ಗೆದ್ಧಿದ್ದಾರೆ.

ಪಂದ್ಯದುದ್ದಕ್ಕೂ ಚೀನಾ ಬಾಕ್ಸರ್‌ ಮೈಮೈತೈಲಿ ಏಟಿಗೆ ವಿಜೇಂದರ್‌ ದಿಟ್ಟ ಪ್ರತಿರೋಧ ನೀಡಿ ಸರ್ವಾನುಮತದ ಗೆಲುವು ಸಾಧಿಸಿದರು. ಈ ಮೂಲಕ ವಿಜೇಂದರ್‌ ವೃತ್ತಿಪರ ಬಾಕ್ಸಿಂಗ್‌ನಲ್ಲಿ ಸತತ 9ನೇ ಗೆಲುವಿನೊಂದಿಗೆ ಅಜೇಯವಾಗಿ ಮುನ್ನಡೆದಿದ್ದಾರೆ.

ಮೂವರು ಅಂಪೈರ್‌ಗಳ ತೀರ್ಪಿನ ಪ್ರಕಾರ ವಿಜೇಂದರ್‌ 96-93, 95-94, 95-94 ರಿಂದ ಸ್ಟಾರ್‌ ಬಾಕ್ಸರ್‌ ಮೈಮೈತೈಲಿರನ್ನು ಸೋಲಿಸಿ ಸೂಪರ್‌ ಮಿಡಲ್‌ವೇಟ್‌ ವಿಭಾಗದಲ್ಲಿ ಏಷ್ಯಾ ಕಿಂಗ್‌ ಎನಿಸಿಕೊಂಡರು.